ગુજરાતમાંથી અવારનવાર દુષ્કર્મના કિસ્સાઓ સામે આવે છે. જેમાં કેટલીકવાર નરાધમો સગીરાઓને પણ હવસનો શિકાર બનાવતા હોય છે. ત્યારે હાલમાં રાજકોટમાંથી એક કિસ્સો સામે આવ્યો છે, જે હચમચાવી નાખે એવો છે. 5 માં ધોરણમાં ભણતી એક માસુમ બાળકી પર હોટલ તિલકનાં કર્મચારીએ દુષ્કર્મ આચર્યુ હોવાનું સામે આવ્યું છે.
હોટલના કર્મચારી ગૌતમ ચુડાસમાએ છોકરીની મજબૂરીનો લાભ ઉઠાવ્યો તેના પર દુષ્કર્મ આચર્યું હતું. જો કે, પોલીસે નરાધમ ગૌતમ સામે દુષ્કર્મ અને પોક્સોનો ગુનો નોંધી તેની ધરપકડ કરી છે. અહેવાલો અનુસાર, રાજકોટના નિર્મલા રોડ વિસ્તારમાંથી ત્રણેક દિવસ પહેલા એક 10 વર્ષની બાળકી રાતે પોતાના ઘરેથી અચાનક ગુમ થઈ ગઈ અને બીજા દિવસે સવારે જ્યારે તે મળી ત્યારે દુષ્કર્મનો શિકાર બની હોવાનું જાણવા મળ્યું હતું.
આ વાત જાણ્યા બાદ તો પરિવારના પગ નીચેથી જમીન જ સરકી ગઈ હતી. બાળકીએ પરિવારને આપવીતી જણાવ્યા બાદ સ્થાનિક પોલીસે અપહરણનો ગુનાની ફરિયાદમાં પોક્સો સહિતની કલમ ઉમેરીને નરાધમ ગૌતમને ઝડપી પાડ્યો હતો. પીડિતાએ તેના પિતા પાસે મોબાઇલ અને કૂતરું લાવવાની જીદ કરી પણ જીદ ન માનતા તે ઘરેથી કોઈને કહ્યા વગર રાતના 11 વાગ્યાની આસપાસ તે તેના પિતાનો મોબાઇલ અને ટુ વ્હિલર લઇને નીકળી ગઈ હતી. જો કે, આ બાબતની પરિવારને જાણ થતા જ તેઓ ચિંતામાં મુકાઈ ગયા હતા.
પીડિતાના પિતા વેપારી છે અને પરિવાર દ્વારા રાતે શોધખોળ કરવા છત્તાં તેની કોઇ ખબર ન મળતા તેમણે મોડી રાતે ગાંધીગ્રામ પોલીસ સ્ટેશનમાં ફરિયાદ નોંધાવી હતી. જો કે, બીજા દિવસે સવારે દીકરી તેના માસીના ઘરેથી મળી આવી હતી. પરિવાર દ્વારા તેને જ્યારે પૂછવામાં આવ્યું કે આખી રાત તે ક્યાં હતી તો તેણે પોતાની આપવીતી જણાવી હતી, આપવીતી સાંભળીને પરિવારનાં તો હોંશ જ ઉડી ગયા.
તેણે પરિવારને જણાવ્યુ કે, જ્યારે તે ઘરેથી નીકળીને કોટેચા ચોક પાસેની કે.કે.હોટલમાં પહોંચી તો ત્યાં તેને રૂમ આપવાની ના પાડી અને પછી એક વ્યક્તિ તેની પાછળ આવ્યો અને તેને રૂમની વ્યવસ્થા કરી આપવાની વાત કરી હતી. જેને લઈને તે વ્યક્તિ સાથે તિલક હોટલમાં ગઈ, આ દરમિયાન નરાધમે બાળકીનો ફાયદો ઉઠાવી બળજબરીથી દુષ્કર્મ આચર્યું હતું.
જ્યારે પરિવારે પોલીસનો સંપર્ક કર્યો અને આ વાત જણાવી તો પોલીસે કોટેચા ચોક પાસેની તિલક હોટલે પહોંચી સીસીટીવી ચેક કર્યા અને આરોપી હોટેલનો જ કર્મચારી હોવાનું સામે આવ્યું હતું. જે બાદ પોલીસે ગુનો નોંધી તેની ધરપકડ કરી. નરાધમ આરોપી મૂળ જામજોધપુર પંથકનો છે અને તે કે.કે. હોટેલના સ્ટાફ ક્વાર્ટરમા રહે છે.