ઘરની સાફ સફાઈ કે બાકીના કામોમાં મદદ માટે લોકો મેડ કે હાઉસ હેલ્પર હાયર કરે છે. પણ ઘણી વખત ઘરમાં કામ કરતા લોકો જ પોતાના માલિક કે જેમણે તેમને રોજી રોટી પૂરી પાડી તેમને જ લૂંટી લેતા હોય છે. હાલમાં એક એવી જ ઘટના સામે આવી છે.
જેમાં એક નોકરાણીએ ઘરની સાથે સાથે લોકરની પણ સફાઈ કરી દીધી. આરોપ છે કે તે ઘરમાંથી લાખોની જ્વેલરી અને રોકડા લઈ ફરાર થઇ ગઈ હતી. જો કે, પોલિસે તેની ધરપકડ કરી તેની પાસેથી ચોરીનો સામાન જપ્ત કરી લીધો છે. ચર્ચા છે કે સોસાયટીવાળા પણ પોત-પોતાની નોકરાણી હટાવવાનો વિચાર કરી રહ્યા છે. આ મામલો ગ્રેટર નોએડાની એસોટેક સોસાયટીમાં બન્યો છે. જ્યાં જીટા-1 સેક્ટરમાં રહેનાર મુકેશ કુમારના ઘરે રવિવારે 12 માર્ચે મોટી ચોરીને અંજામ આપવામાં આવ્યો હતો.
ઘરમાંથી લાખો રૂપિયાના ઘરેણા અને રોકડા ગાયબ થઈ ગયા હતા. તેમણે સૂરજપુર પોલીસને આ મામલે જાણકારી આપી હતી. ખબર છે કે ચોરીની વારદાતને અંજામ આપ્યા બાદથી જ ઘરની કામવાળી કાજલે કામ પર આવવાનું બંધ કરી દીધું હતું અને તે અચાનક ગાયબ થઈ ગઈ હતી. પોલ્સે તપાસ કરી તો તેમને ખબર પડી કે કાજલ નોએડાના સાકીપુરમાં ભાડાના મકાનમાં રહેતી હતી. પોલીસ તેના એડ્રેસ પર પહોંચી તો ત્યાંથી તે ફરાર થઈ ગઈ હતી. કાજલ મૂળ યૂપીના કુશીનગરની રહેવાસી હતી.
પોલીસ કુશીનગર પહોંચી તો કાજલ ત્યાં એક ગેસ્ટ હાઉસમાં મળી. આરોપી મેડ પાસે ચોરીના 13 લાખ ઘરેણા અને રોકડ 45,421 રૂપિયા પણ મળ્યા. જ્વેલરીમાં બે સોનાની બંગડી, 8 વીંટી, 1 સોનાની મોતીની માળા, 1 નેકલેસ અને જરકીન સોનાની બે ઇયરિંગ સહિત બે ડાયમંડવાળા ટોપ્સ અને ત્રણ મોતીની માળાવાળા સોનાના પેંડેંટ સેટ સહિત અનેક આઇટમ મળી. પોલ્સે બધો જ સામાન જપ્ત કરી તેની ધરપકડ કરી અને તેને કોર્ટે જેલ હવાલે ધકેલી હતી.
थाना सूरजपुर:- घर में चोरी करने वाली घरेलू सहायिका गिरफ्तार, कब्जे से चोरी के समस्त आभूषण (कीमत करीब 13 लाख रूपये) व नगद 45,421/-रुपये बरामद। pic.twitter.com/iDRQ7h5hJ7
— POLICE COMMISSIONERATE GAUTAM BUDDH NAGAR (@noidapolice) March 15, 2023